अरब कप : कतारको नमिठाे हार

गएराती अल थुमामा रंगशालामा भएको खेलमा कतार पराजित भएको छ ।

कतारमा जारी फिफा अरब कप प्रतियोगिताको सेमिफाइनल खेलमा एसियन च्याम्पियन कतारले अफ्रिकन च्याम्पियन अल्जेरियासंग २-१ को नमिठाे हार बेहोरेको हो ।

५९ औं मिनेटमा गोल खाएको कतार त्यसपछी आक्रमक देखिएको थियो । खेलको अतिरिक्त समय ९०+७ मिनेटमा कतारले मुन्तारीको हेडर मार्फत गोल फर्काएको थियो । तर त्यसको ठिक १० मिनेटपछि अल्जेरियाले पेनाल्टी पायो र गोल गर्दै कतारको उपाधि लक्ष्यमा पूर्णबिराम लाग्यो ।

राष्ट्रिय दिवसको दिन अल बायत रंगशालामा हुने फाइनल खेलमा अब अल्जेरिया र टुनिसिया भिड्नेछन् । सोही दिन स्टेडियम ९७४ मा कतारले इजिप्ट संग तेस्रो स्थानका लागि प्रतिस्पर्धा गर्नेछ ।