कुशलको लगातार दोस्रो अर्धशतक, अर्धशतक संगै नेपालको जित
नेपाली युवा ओपनर व्याट्सम्यान कुशल भुर्तेलले लगातार दोस्रो अर्धशतक बनाएका छन् ।
काठमाडौंमा जारी त्रिकोणात्मक टि–२० सिरिज अन्तरगत सोमबार मलेसियाविरुद्धको खेलमा कुशलले लगातार दोस्रो अर्धशतक बनाएका हुन् । ४१ बलमा ६१ रन बनाउँदै कुशल अविजित रहे । उनले ३ चौका र ५ छक्का प्रहार गरे । आक्रामक सुरुवात गरेका कुशलले मलेसियन बलरलाई आछुआछु पारेका थिए ।
मलेसियाविरुद्धको खेल कुशलको दोस्रो अन्तर्राष्ट्रिय टि–२० खेल हो । उनले शनिबार नेदरल्याण्ड्सविरुद्ध खेल्दै अन्तर्राष्ट्रिय टि–२० मा डेब्यु गरेका थिए । डेब्यु खेलमै कुशलले आफ्नो छाप छोडेका थिए । नेदरल्याण्डस्विरुद्ध कुशलले ४६ बलमा ६२ रन बनाएका थिए ।
आज को जित संगै काठमाडौंमा जारी त्रिकोणात्मक टि–२० सिरिज अन्तरगत नेपालले लगातार दोस्रो जित हासिल गरेको छ । टियु अन्तर्राष्ट्रिय मैदानमा भएको खेलमा मलेसियालाई ९ विकेटले पराजित गर्दै लगातार दोस्रो जित हासिल गरेको हो ।
