अमिरलाई साउदी अरेबिया भ्रमणको निम्तो आयो

साउदी अरेबियाको राजा सलमान बिन अब्दुलअजिज अल साउदबाट कतारको अमिर शेख तमिम बिन हमाद अल थानीलाई साउदी भ्रमणका लागि लिखित निमन्त्रणा आएको छ ।

अल बहर दरबारमा आज भएको भेटघाटमा साउदी अरबका परराष्ट्रमन्त्री राजकुमार फैसल बिन फरहान बिन अब्दुलाह अल साउदको हात मार्फत अमिरलाई निमन्त्रणा पत्र आएको हो ।

भेटघाट तथा छलफल कार्यक्रममा राजकुमार अल साउदले अमिरको सुख स्वास्थ्यको लाभ संगै कतारी जनता र थप देश विकासको कामना गर्नुभएको थियो । यता अमिरको तर्फ बाट पनि शुभकामना व्यक्त भएको कतार न्यूज एजेन्सीले बताएको छ ।