२९ तारिक देखि गरिएको होटेल बुकिङ रद्द हुने

२९ तारिक बिहिवारदेखि गरिएको होटेल क्वारेन्टाइन बुकिङ रद्द हुने डिस्कोभर कतारले जानकारी गराएको छ ।

कोभिड-१९ को नयाँ भेरियन्टले उग्र रुप लिएपछि स्वास्थ्य मन्त्रालयले नेपाल लगायत भारत,बाङ्लादेश,पाकिस्तान,फिलिपिन्स र श्रीलंका देशका नागरिकलाई खोप लगाइसकेको भएपनि कतार प्रवेश गर्दा अनिवार्य क्वारेन्टाइन बस्नुपर्ने बताएको छ । यी देशका नागरिकले होटेलमा भए १० दिन र मेकाइनिसमा भए १४ दिन क्वारेन्टाइनमा बस्नुपर्नेछ ।

“२९ तारिक देखि गरिएको सबै बुकिङ रद्द हुने र यात्रुले नयाँ बुकिङ गर्नुपर्नेछ । साथै बुकिङ गरिसकेको शुल्क १४ दिन भित्र फिर्ता हुनेछ,” डिस्कोभर कतारले आफ्नो वेबसाईटमा लेखेको छ ।