कतारमा आज ६५० जनामा संक्रमण पुष्टि, नेपालमा ५७२७ जनामा संक्रमण देखियो

कतार

गत चौबिस घण्टामा देशभर थप ६५० जनामा कोरोना भाइरस संक्रमण भएको स्वास्थ्य मन्त्रालयले जानकारी दिएको छ । यो संगै कतारमा भाइरस संक्रमण पुष्टि भएको कुल संख्या २ लाख ६३ हजार ०२ पुगेको छ ।

स्वास्थ्य मन्त्रालयको पछिल्लो २४ घण्टाको रिपोर्ट अनुसार ११ हजार २०५ जनालाई गरिएको परिक्षणमा आज ६५० जना नयाँ संक्रमित भेटिएको हो । आज भाइरस देखिएका मध्ये ३७१ जना स्थानीय र २७९ जना अन्य मुलुक बाट कतार आएकाहरु हुन् ।

हिजो कतारमा ६७६ जना संक्रमित भएका थिए । केही दिन यता कतारमा लगातार संक्रमितको संख्या घट्दै गरिरहेको छ ।

क्रमश संक्रमण घट्दै गएता पनि मृत्तक भने थपिँदै गएका छन् । हिजो ८ जना मृत्तक थपिएको कतारमा कतारमा आज कोरोनाका कारण थप ७ जना नागरिकको मृत्‍यु भएको छ । आज मृत्‍यु हुनेमा ३९, ५०, ५५, ५६, ५९, ६७ र ६७ बर्षिय रहेका स्वास्थ्य मन्त्रालयले बताएको छ । यो संगै भाइरस बाट ज्यान गुमाउनेको संख्या ४५८ बाट ४६५ पुगेको छ ।

त्यस्तै आज पनि संक्रमित भन्दा दोब्बर १५ सय २७ जना संक्रमणमुक्त भएका छन् । यो संगै कतारमा कोरोना संक्रमणमुक्त हुनेको संख्या एक लाख ९१ हजार ७१ जना रहेको छ ।

गएको २४ घण्टा भित्रकाे तथ्यांक यस्तो छ

अस्पताल भर्ना हुने : ३५ जना
हाल अस्पतालमा उपचार भैरहेकाको कुल संख्या : ८२१ जना
आईसीयुमा भर्ना हुने : ८ जना
हाल आईसीयुमा उपचार भैरहेकाको कुल संख्या : ३६४ जना
आज स्वाब जाँच गरिएको संख्या – ११ हजार २०५ जस् मध्धे ४ हजार ८०५ जना नयाँ
आज सम्म भाइरसका लागि जाँच भएको संख्या : १९ लाख ८ हजार ७१७ जना
निको हुनेको संख्या – १५ सय २७ जना
आज सम्म निको हुनेको संख्या – १ लाख ९१ हजार ७१ जना
निको हुन बाँकीको संख्या – १४ हजार ७६६ (सक्रिय संक्रमित)
आज मृत्‍युहुनेको संख्या – ७
आज सम्म मृत्यु हुनेको संख्या – ४६५
आज खोप लगाइएको संख्या – २२ हजार ७९९
आज सम्म खोप लगाइएको संख्या – १५ लाख ७९ हजार २
४४.३ % ३५ बर्ष भन्दा माथिका योग्य व्यक्तिले कम्तिमा पहिलो ड्रोज प्राप्त गरेका छन् ।

नेपाल
नेपालमा पछिल्लो २४ घण्टामा थप ५ हजार ७२७ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयले दिएको जानकारी अनुसार १५ हजार ३९१ पीसीआर परीक्षणमा ५,६५७ जना र ५२५ जनाको एन्टिजेन परीक्षणमा ७० जना गरी ५७२७ जनामा संक्रमण पुष्टि भएको हो ।

योसँगै नेपालमा कोरोना सक्रिय संक्रमितको संख्या ४३ हजार २१३ पुगेको छ । यो नेपालमा संक्रमण देखिएयता एकैदिनमा पहिचान भएका सबभन्दा धेरै संक्रिमित संख्यमा हो ।
कोरोना भाइरस संक्रमणबाट थप १९ जनाको मृत्यु भएको मन्त्रालयले जनाएको छ । नेपालमा हालसम्म ३२९८ जना कोरोनाका कारण मृत्‍यु भइसकेको छ ।