कतारमा रोकिएन मृत्यु आज आठ जनाको गयो, नेपालमा उच्च विन्दुमा कोरोना संक्रमण र मृत्यु दर
कतार
गत चौबिस घण्टामा देशभर थप ६४४ जनामा कोरोना भाइरस संक्रमण भएको स्वास्थ्य मन्त्रालयले जानकारी दिएको छ । यो संगै कतारमा भाइरस संक्रमण पुष्टि भएको कुल संख्या २ लाख ७ हजार ५९२ पुगेको छ ।
स्वास्थ्य मन्त्रालयको पछिल्लो २४ घण्टाको रिपोर्ट अनुसार १३ हजार १४९ जनालाई गरिएको परिक्षणमा आज ६४४ जना नयाँ संक्रमित भेटिएको हो । आज भाइरस देखिएका मध्ये ४६१ जना स्थानीय र १८३ जना अन्य मुलुक बाट कतार आएकाहरु हुन् ।
हिजो कतारमा ६४६ जना संक्रमित भएका थिए । केही हप्ता यता कतारमा लगातार संक्रमितको संख्या घट्दै गरिरहेको छ ।
क्रमश संक्रमण घट्दै गएता पनि मृत्तक भने थपिँदै गएका छन् । अस्ती ७, हिजो ७ जना मृत्तक थपिएको कतारमा कतारमा आज पनि कोरोनाका कारण थप ८ जना नागरिकको मृत्यु भएको छ । आज मृत्यु हुनेमा ३९, ४८, ५२, ५५, ५८,७२,७७ र ७९ बर्षिय रहेका स्वास्थ्य मन्त्रालयले बताएको छ । यो संगै भाइरस बाट ज्यान गुमाउनेको संख्या ४७२ बाट ४८० पुगेको छ ।
त्यस्तै आज पनि संक्रमित भन्दा दोब्बर १५ सय ४८ जना संक्रमणमुक्त भएका छन् । यो संगै कतारमा कोरोना संक्रमणमुक्त हुनेको संख्या एक लाख ९४ हजार ९९ जना रहेको छ ।
गएको २४ घण्टा भित्रकाे तथ्यांक यस्तो छ
अस्पताल भर्ना हुने : ४४ जना
हाल अस्पतालमा उपचार भैरहेकाको कुल संख्या : ७७२ जना
आईसीयुमा भर्ना हुने : १६ जना
हाल आईसीयुमा उपचार भैरहेकाको कुल संख्या : ३१० जना
आज स्वाब जाँच गरिएको संख्या – १३ हजार १४९ जना जस् मध्धे ४ हजार ८८२ जना नयाँ
आज सम्म भाइरसका लागि जाँच भएको संख्या : १९ लाख १८ हजार ९ जना
निको हुनेको संख्या – १५ सय ४८ जना
आज सम्म निको हुनेको संख्या – १ लाख ९४ हजार ९९ जना
निको हुन बाँकीको संख्या – १३ हजार १३ (सक्रिय संक्रमित)
आज मृत्युहुनेको संख्या – ८
आज सम्म मृत्यु हुनेको संख्या – ४८०
आज खोप लगाइएको संख्या – ३१ हजार ४८५
आज सम्म खोप लगाइएको संख्या – १६ लाख ३५ हजार ३९८
४५.४ % १६ वर्ष भन्दा माथिका योग्य व्यक्तिले कम्तिमा पहिलो ड्रोज प्राप्त गरेका छन् ।
नेपाल
काठमाडौं – देशभर पछिल्लो २४ घण्टामा सात हजार ४४८ जना कोरोना भाइरस संक्रमित थपिएका छन् । १६ हजार ६५८ पीसीआर परीक्षण गरिएकोमा सात हजार ३८८ जना र ५१८ एन्टिजेन परीक्षणमा ६० जना गरी सात हजार ४४८ जनामा संक्रमण पुष्टि भएको हो ।
यससँगै नेपालमा संक्रमितको संख्या तीन लाख ४३ हजार ४१८ पुगेको स्वास्थ्य तथा जनसंख्या मन्त्रालयले जनाएको छ । यस्तै पछिल्लो २४ घण्टामा २ हजार २१ जना संक्रमणमुक्त भएका छन् । यससँगै हालसम्म कोरोनमुक्त हुनेको संख्या २ लाख ८६ हजार १५ पुगेको छ ।
यस्तै अहिलेसम्म कोरोना संक्रमणबाट देशभर ३ हजार ३६२ जनाको मृत्यु भएको छ । पछिल्लो २४ घण्टामा मात्रै ३७ जना संक्रमितको मृत्यु भएको छ ।
देशभर ५४ हजार ४१ जना सक्रिय संक्रमित रहेका छन् । उनिहरु मध्ये ५० हजार १७२ जना होम आइसोलेसनमा र तीन हजार ८६९ जना संस्थागत आइसोलेसनमा रहेका छन् ।
