कतार

हिजो २५६ जनामा संक्रमण देखिएको कतारमा आज बढेर ३०२ जनामा कोरोना भाइरसको संक्रमण पुष्टि भएको स्वास्थ्य मन्त्रालयले जानकारी दिएको छ । यो संगै कतारमा हाल सम्म भाइरस संक्रमण पुष्टि भएको कुल संख्या २ लाख १३ हजार ४८५ पुगेको छ ।

स्वास्थ्य मन्त्रालयको पछिल्लो २४ घण्टाको रिपोर्ट अनुसार १५ हजार ३८२ जनालाई गरिएको परिक्षणमा आज ३०२ जना नयाँ संक्रमित भेटिएको हो । आज भाइरस देखिएका मध्ये २१० जना स्थानीय र ९२ जना अन्य मुलुक बाट कतार आएकाहरु हुन् ।

त्यस्तै आज पनि संक्रमित भन्दा दोब्बर ७ सय १९ जना संक्रमणमुक्त भएका छन् । यो संगै कतारमा कोरोना संक्रमणमुक्त हुनेको संख्या बढेर २ लाख ७ हजार ७९६ रहेको छ

यो संगै कतारमा सक्रिय संक्रमितको संख्या ५ हजार १५७ झरेको छ ।

तर कतारमा संक्रमण क्रमश घट्दै गएता पनि मृत्तक भने थपिने क्रम जारीनै रहेको छ । अस्ती २, हिजो ४ जना मृत्तक थपिएको कतारमा आज पनि कोरोनाका कारण थप २ जना नागरिकको मृत्‍यु भएको छ । आज मृत्‍यु हुनेमा ३४ र ७८ बर्षिय नागरिक रहेका स्वास्थ्य मन्त्रालयले बताएको छ । यो संगै भाइरस बाट ज्यान गुमाउनेको संख्या ५३० बाट ५३२ पुगेको छ ।

गएको २४ घण्टा भित्रकाे तथ्यांक यस्तो छ

अस्पताल भर्ना हुने : ९ जना
हाल अस्पतालमा उपचार भैरहेकाको कुल संख्या : ३३९ जना
आईसीयुमा भर्ना हुने : ७ जना
हाल आईसीयुमा उपचार भैरहेकाको कुल संख्या : १९६ जना
आज स्वाब जाँच गरिएको संख्या – १५ हजार ३८२ जस् मध्धे ३ हजार ८६ जना नयाँ
आज सम्म भाइरसका लागि जाँच भएको संख्या : १९ लाख ७३ हजार ८८६ जना
निको हुनेको संख्या – ७१९ जना
आज सम्म निको हुनेको संख्या – २ लाख ७ हजार ७९६ जना
निको हुन बाँकीको संख्या –५ हजार १५७ (सक्रिय संक्रमित)
आज मृत्‍युहुनेको संख्या – २
आज सम्म मृत्यु हुनेको संख्या – ५३२
आज खोप लगाइएको संख्या – ३७ हजार ८७९
आज सम्म खोप लगाइएको संख्या – २० लाख ७३ हजार ३५४

हालसम्म कतारमा ५३.२ % – १६ वर्ष भन्दा माथिका योग्य व्यक्तिले कम्तिमा पहिलो डोज प्राप्त गरेका छन् ।

अभिभावकहरूले १२ देखि १५ वर्ष उमेरका आफ्ना बच्चाहरूलाई स्वास्थ्य मन्त्रालयको वेबसाइट (www.moph.gov.qa) मार्फत हिजो आइतबार देखि फाइजर-बायोटेक  खोप लिनका लागि दर्ता गर्न सक्नेछन् ।

नेपाल

नेपालमा पछील्लो चौबिस घण्टामा ९ हजार २४७ जनामा कोरोना संक्रमण पुष्टी भएको छ । स्वास्थ्य तथा जनसंख्या मन्त्रालयका अनुसार आज पिसीआर बिधिबाट परीक्षण गर्दा २१ हजार ६५३ जना र एन्टिजेन बिधिबाट परीक्षण गर्दा ४३४ जना गरी ९ हजार २४७ जनामा कोरोना संक्रमण देखिएको हो ।

त्यस्तै पछील्लो चौबिस घण्टामा २१४ जनाको मृत्‍यु भएको छ । योसँगै नेपालमा कोरोनाका कारण मृत्‍यु हुनेको संख्या ५ हजार २१५ पुगेको छ ।

त्यस्तै आज ५ हजार ७६७ जना संक्रमणमुक्त भएका छन्।