कतार

हिजो २९५जना संक्रमित थपिएको कतारमा आज संक्रमण बढेर ३१३ जनामा कोरोना भाइरसको संक्रमण पुष्टि भएको स्वास्थ्य मन्त्रालयले जानकारी दिएको छ । यो संगै कतारमा हाल सम्म भाइरस संक्रमण पुष्टि भएको कुल संख्या २ लाख १४ हजार ४६३ पुगेको छ ।

स्वास्थ्य मन्त्रालयको पछिल्लो २४ घण्टाको रिपोर्ट अनुसार १७ हजार १२७ जनालाई गरिएको परिक्षणमा आज ३१३ जना नयाँ संक्रमित भेटिएको हो । आज भाइरस देखिएका मध्ये २०८ जना स्थानीय र १०५ जना अन्य मुलुक बाट कतार आएकाहरु हुन् ।

त्यस्तै आज ५ सय २२ जना संक्रमणमुक्त भएका छन् । यो संगै कतारमा कोरोना संक्रमणमुक्त हुनेको संख्या बढेर २ लाख ९ हजार ७७३ रहेको छ

निको हुने बढे संगै सक्रिय संक्रमितको संख्या ४ हजार १५१ मा झरेको छ ।

तर कतारमा पछील्लो समय यता संक्रमण क्रमश घट्दै गएता पनि मृत्तक भने थपिने क्रम भने रोकिएको छैन । अस्ती २, हिजो २ जना मृत्तक थपिएको कतारमा आज पनि कोरोनाका कारण थप एक जना नागरिकको मृत्‍यु भएको छ । आज मृत्‍यु हुनेमा ६२ बर्षिय नागरिक रहेका स्वास्थ्य मन्त्रालयले बताएको छ । यो संगै भाइरस बाट ज्यान गुमाउनेको संख्या ५३८ बाट ५३९ पुगेको छ ।

गएको २४ घण्टा भित्रकाे तथ्यांक यस्तो छ

अस्पताल भर्ना हुने : २१ जना
हाल अस्पतालमा उपचार भैरहेकाको कुल संख्या : ३१५ जना
आईसीयुमा भर्ना हुने : ४ जना
हाल आईसीयुमा उपचार भैरहेकाको कुल संख्या : १७१ जना
आज स्वाब जाँच गरिएको संख्या – १७ हजार १२७ जस् मध्धे ३ हजार ८४२ जना नयाँ
आज सम्म भाइरसका लागि जाँच भएको संख्या : १९ लाख ८५ हजार १८१ जना
निको हुनेको संख्या – ५२२ जना
आज सम्म निको हुनेको संख्या – २ लाख ९ हजार ७७३ जना
निको हुन बाँकीको संख्या –४ हजार १५१ (सक्रिय संक्रमित)
आज मृत्‍युहुनेको संख्या – १
आज सम्म मृत्यु हुनेको संख्या – ५३९
आज खोप लगाइएको संख्या – ४० हजार ५८
आज सम्म खोप लगाइएको संख्या – २१ लाख ९० हजार ८०७

हालसम्म कतारमा ५५.६ % – १६ वर्ष भन्दा माथिका योग्य व्यक्तिले कम्तिमा पहिलो डोज प्राप्त गरेका छन् ।

नेपाल

पछिल्लो २४ घण्टामा कोरोना संक्रमणबाट थप १९० जनाको मृत्यु भएको छ । ८३०५ जना संक्रमित थपिँदा ६५४३ जना संक्रमणमुक्त भएका छन् । स्वास्थ्य तथा जनसंख्या मन्त्रालयका अनुसार २२ हजार ८७ नमुना परीक्षण गर्दा ८३०५ जनामा संक्रमण पुष्टि भएको छ । यससँगै संक्रिय संक्रमितको संख्या १ लाख १५ हजार ८५२ पुगेको छ । उनीहरुमध्ये १ लाख ८ हजार ३८ होम आइसोलसेसनमा छन् ।

संस्थागत आइसोलेसनमा ७ हजार ८१४ जना संक्रमित छन् । उनीहरुमध्ये १७४८ जना आईसीयूमा छन्, जसमध्ये ४९२ जनालाई भेल्टिलेटर सपोर्ट दिइएको छ ।