जुलाई १ अघि पुरानो नोट साट्न बैंकहरुको आग्रह

कतारमा पुरानो नोटहरु जुलाई १ अघि साट्न बैंकहरुले आग्रह गरेको छ ।

“जुलाई १ अघि पुराना नोटहरु साट्नु होला । कतार राष्ट्रिय बैंकको निर्देशन अनुसार पुरानो नोट साट्ने म्याद जुलाई १ सम्म रहेको छ “,कतार नेशनल बैंकले टुईट गरेको छ ।

गत डिसेम्बर १८ तारिखमा कतार राष्ट्र बैंकले नयाँ नोटहरु सार्वजनिक गरेको थियो । पाँचौ संस्करण अन्तर्गत बैंकले एक, पाँच, दश, पचास, एक सय, दुई सय र पाँच सय रियालको नोट जारी गरेको थियो जसमा २०० रियालको नोट भने कतारको ईतिहासमै पहिलो पटक सार्वजनिक निकालिएको थियो ।