कतारमा खुल्यो विश्वकै ठुलो मध्ये एक खोप केन्द्र
कोभिड-१९ खोपका लागि हाल संचालनमा रहेको दुई ड्राइभ थ्रु सेन्टर र क्युएनसिसि खोप केन्द्र बन्द हुने भएको छ ।
नयाँ खोप केन्द्रको स्थापना भएसंगै ती खोप केन्द्र अबको दुई हप्ता भित्र बन्द हुन लागेको हो । यी केन्द्रहरु बाट नौ लाख बढीले कोरोनाभाइरसको दोस्रो डाेजको खोप लगाएका छन् । गर्मी मौसम संगै त्यहाँ काम गर्ने कर्मचारी र सेवाग्राहीलाई समस्या हुने देखिएपछि खोप केन्द्र बन्द हुनुको प्रमुख कारण रहेको छ ।
ड्राइभ थ्रु सेन्टर मध्ये लुसेल केन्द्र जुन २४ , वक्रा जुलाई १ र क्युएनसिसि केन्द्र जुन ३० देखि बन्द हुनेछ ।
والذي يُعد أحد أكبر مراكز التطعيم في العالم
قامت سعادة الدكتورة حنان محمد الكواري، وزير الصحة العامة، اليوم بزيارة مركز قطر للتطعيمات المخصص لقطاع الأعمال والصناعة والذي تم البدء في تشغيله اليوم. https://t.co/c8uDoAuIYS pic.twitter.com/T7XIaV1D5i
— مؤسسة حمد الطبية (@HMC_Qatar) June 22, 2021
नयाँ खोप केन्द्र
व्यवसाय तथा उद्योग क्षेत्रको लागि अहिले बनेको नयाँ केन्द्र विश्वकै ठुलो खोप केन्द्र मध्ये एकमा पर्ने कतार सरकारले बताएको छ । केन्द्रबाट दैनिक २५ हजार डाेज खोप वितरण गरिने लक्ष्य राखिएको छ । त्यस्तै अहिले देशभरका अन्य २७ पिएचसिसि केन्द्रबाट पनि दैनिक १५ हजार डाेज खोप वितरण भैरहेको छ । नयाँ केन्द्र सन्चालनमा आएपछि राष्ट्रिय कोभिड-१९ खोप अभियान अन्तर्गत कतारमा दैनिक ४० हजार डाेज खोप वितरण हुने पिएचसिसिका कार्यकारी निर्देशक डाक्टर मारियम अब्दुलमलिकले बताएका छन् ।
जम्मा ३ लाख वर्ग मिटरमा फैलिएको खोप केन्द्रमा ३ सय खोप स्टेशन बाट ७ सय कर्मचारीले सेवा दिनेछन् । व्यवसायीले आफ्नो कर्मचारीलाई खोप लगाउन qvc@hamad.qa बाट एपोइन्टमेन्ट लिन सक्नेछन् ।
