नेपाली रेडियो कार्यक्रम सन्चालन गर्ने विषयमा छलफल

कतारका लागि नेपाली राजदूत नारदनाथ भारद्वाज र कतार मिडिया कर्पोरेशनका कार्यकारी प्रमुख अब्दुलरहमान बिन हमाद अल थानीबिच शिष्टाचार भेटघाट भएको छ ।

कार्यकारी प्रमुख अल थानीको कार्यालयमा राजदूत भारद्वाजसंग आज बिहान भएको भेटघाटमा दुई देशबिचको सञ्चार  क्षेत्रमा द्विपक्षीय सहकार्यको सम्भावना लगायत अन्य विषयमा छलफल भएको छ ।

भेटघाटकै क्रममा नेपाली दूतावास र कतार मिडिया कर्पोरेशनबिचको सहकार्यमा भविष्यमा जानकारीमूलक रेडियो कार्यक्रम सन्चालन गर्ने विषयमा पनि छलफल भएको दूतावासले जानकारी दिएको छ ।