इदमा दूतावास तीन दिन बन्द हुने

इस्लाम धर्मावलम्बीहरुको महान चाड इद अल अधाको अवसरमा कतारस्थित नेपाली राजदूतावास तीन दिन बन्द हुने भएको छ । दूतावासले आज सूचना प्रकशित गर्दै जुलाई २० देखि २२ तारिख बन्द हुने जनाएको हो । सो अवसरमा कतारमा रहेका सम्पूर्ण नेपालीहरुमा दूतावासले शुभकामना समेत व्यक्त गरेकोे छ ।

यस अवधिभर आपतकालीन सेवाका लागि ३३५६०११७ मा सम्पर्क गर्न सकिने र तयार भैसकेको राहदानी जुलाई २२ तारिक बिहान ९ देखि १२ बजेसम्म वितरण हुने दूतावासले जानकारी दिएको छ ।

जुलाई २५ तारिख आइतबार बाट दूतावासको कार्यालय पुन सञ्चालनमा आउने छ ।