फिफा अरब कप २०२१ को उपाधि अल्जेरियाले जित्यो

अल्जेरियाले फिफा अरब कप २०२१ को उपाधि जितेको छ ।

कतारमा नोभेम्बर ३० देखि सुरु भएको प्रतियोगिता अन्तर्गत आज भएको फाइनल खेलमा अल्जेरियाले टुनिसियालाई २-० गोल अन्तरले हराएको छ ।

निर्धारित ९० मिनेटको दुबै टिम बाट गोल हुन नसकेपछि खेल एक्स्ट्रा टाईममा पुगेको थियो । अल्जेरियाको जितको लागि ९९औं मिनेटमा सेयुदले र १२५ औं मिनेटमा ब्रहिमीले गोल गरेका थिए ।

अल्जेरियाले पहिलोपटक अरब कपको प्रतियोगिता जितेको हो ।

यता आजै तेस्रो स्थानका लागि भएको खेलमा कतारले इजिप्टलाई पराजित गरेको छ ।