मास्क नलगाउने ३३४ जना कारबाहीमा परे

मास्क नलगाउने ३३४ जना कारबाहीमा परेका छन् ।

आन्तरिक मन्त्रालयले सार्वजनिक स्थलमा मास्क नलगाई हिड्ने थप ३३४ जनालाई कारबाही गरेको बताएको छ । त्यस्तै मोबाइलमा एह्तेराज एप प्रयोग नगर्ने २ जना पनि कारबाहीमा परेका छन् ।सरकारले खुला स्थानमा मास्क लगाउन नपर्ने नियम ल्याएपनि भिडभाड हुने सार्वजनिक स्थलामा मास्क अझै अनिवार्य रहेको छ ।

केही दिन यता कोरोना संक्रमितको संख्या बढे संगै चेकजाँच कडा पारिएको छ । त्यस्तै शुक्रबारदेखि लागू हुनेगरी सम्पुर्ण स्थानमा मास्क अनिवार्य गरिएको छ ।

मास्क नलगाएको भेटिए तीन हजार रियाल सम्म जरिवाना तोकिएको छ ।

कोरोनाभाइरसको फैलावट रोक्न सावधानी तथा रोकथामकारी निर्णयहरूको पालना गर्न मन्त्रालयले सम्पूर्ण नागरिकलाई आग्रह गर्दै आइरहेको छ ।