कोभिड-१९ को परिक्षण कहाँ गर्ने ?
कतारमा कोभिड-१९ को परिक्षण अस्तव्यस्त बनेपछि स्वास्थ्य मन्त्रालयले नयाँ नीति जारी गरेको छ ।
औषधि पसलमा पाइने रोचेको डायग्नोस्टिक्सको घरेलु परिक्षण किट gmBH को मन्त्रालयले ३५ र अन्य कम्पनीको किटलाई २५ रियाल निर्धारण गरेको छ ।
र्यापिड एन्टिजेन परिक्षणलाई स्वीकृति दिदै मन्त्रालयले कसले के परिक्षण गर्ने बारे विस्तृत जानकारी दिएको छ ।
र्यापिड एन्टिजेन परिक्षण
कोभिड संक्रमितको शरीरमा विकास हुने एन्टिबडीसँगै पीसीआरले झैँ जीवाणु छ कि छैन भनेर पत्ता लगाउन र्यापिड टेस्ट किटमार्फत गरिने परीक्षणको विधीलाई र्यापिड एन्टिजेन परिक्षण भनिन्छ । यसको ‘सेन्सिटिभिटी’ राम्रो रहेकाले यो परीक्षण विश्वसनीय मानिन्छ ।
निजि
देशभरको १०० भन्दा बढी निजि स्वास्थ्य संस्थामा यो विधीबाट परिक्षण गरेको शुल्क ५० रियाल लाग्नेछ र नतिजा १५ मिनेटमा आउनेछ ।
पिएचसिसि
देशभरका २८ वटा पिएचसिसि केन्द्रमा यो विधीबाट परिक्षण गरेको शुल्क ५० रियाल लाग्नेछ । शंका लागेका बिरामीलाई भने सेवा निशुल्क रहेको छ । यसको नतिजा दुई घन्टा भन्दा कम समयमा आउनेछ र एह्तेराज एपमा अपडेट आउन चार घन्टाको समय लाग्नेछ ।
क-कसले गर्ने ?
– देशभित्र रहेका ५० वर्ष भन्दा कम उमेर समुहका भाइरसको लक्षण भएका व्यक्ति ।
– भाइरस लागेका व्यक्तिसंग सम्पर्कमा आएका ५० वर्ष भन्दा कम उमेर समुहका व्यक्ती ।
– अन्य देशबाट कतार फर्केका व्यक्ति ।
– नतिजा पोजेटिभ आए पिसिआर गर्न नपर्ने ।
पिसिआर परिक्षण
कतार बाट अन्य देशमा यात्रा गर्न लागेका व्यक्तिले पिसिआर परिक्षण गर्नुपर्नेछ ।
निजि
देशभरका एक सय भन्दा बढी निजि स्वास्थ्य संस्थामा पिसिआर परिक्षण १६० रियाल शुल्कमा गर्न सकिन्छ ।
पिएचसिसि
देशभरका २८ वटा पिएचसिसि केन्द्रमा सबै उमेर समुहका व्यक्तिले पिसिआर परिक्षण निशुल्क गर्न सकिन्छ । नतिजा ढिला आउनसक्ने हुँदा कतार बाहिर यात्रा गर्नेको लागि यहाँ परिक्षण गर्न उपयुक्त हुँदैन ।
ड्राइभ थ्रु सेन्टर
कतार बाहिर यात्रा गर्ने व्यक्तिले लुसेल सर्किट नजिकै रहेको ड्राइभ थ्रु सेन्टर बाट पिसिआर परिक्षण १६० रियालमा गर्न सक्नेछन् । त्यहाँ परिक्षण गर्दा नतिजा २४ घन्टा भित्र आउनेछ ।
सिद्रा मेडिसिन
– एपोईन्टमेन्ट लिनुपर्ने । एपोईन्टमेन्टको फारम भर्न यहाँ थिच्नुहोस ।
– १६० रियाल (सिमित व्यक्ति ) नतिजा १८ देखि २४ घण्टा भित्र आउने ।
– ३०० रियाल, १८ घण्टा भित्र नतिजा आउने ।
– ६०० रियाल, ४ घण्टा भित्र नतिजा आउने।
One Comment