दोस्रो चरणको चुनावका लागि ३५ जिल्लामा सार्वजनिक विदा

सरकारले स्थानीय तहको दोस्रो चरणको निर्वाचनका लागि देशका ३५ जिल्लामा असार १४ गते सार्वजनिक विदा दिने निर्णय गरेको छ ।

विहिबार अपराह्न गृह मन्त्रालयद्धारा जारी विज्ञप्तिमा आज बसेको मन्त्रिपरिषद बैठकले चुनाव हुने प्रदेश नम्बर १, ५ र ७ का ३५ जिल्लामा विदा दिने निर्णय गरेको उल्लेख छ । यस्तै, शिक्षण संस्थामा असार ११ देखि १४ सम्म विदा दिने भनिएको छ ।