नक्कली सुन बिक्री गर्ने दुई जना पक्राउ

अपराध अनुसन्धान विभागले १५ लाख कतारी रियालमा नक्कली सुन बिक्री गर्न खोज्ने एसियाली मुलका दुई जनालाई पक्राउ गरेको छ ।

केही व्यक्तिले नक्कली सुन बनाएर ठगी गर्ने गरेको भनि प्राप्त भएको सूचनाका आधारमा विभागले विशेष टोली गठन गरी खोजी तथा अनुसन्धान गर्दा ममौरा क्षेत्रमा दुईजना पक्राउ परेका हुन् ।

सोधपुछको क्रममा अभियुक्तले ग्राहकलाई झुक्याउन करिब १५ किलो धातु कतारमा तस्करी गरेको र अन्य सामग्रीमा मिसाएर सुन जस्तै देखिने बनाउने गरेको खुलेको छ ।

आधिकारिक पसलबाट मात्र प्रक्रिया अनुसार सुन किनबेच गर्न आन्तरिक मन्त्रालयले सर्वसाधारणलाई आग्रह गरेको छ ।