१ रियाल बराबर नेपाली ३४ रुपैयाँ नाघ्यो
कतारी १ रियाल बराबर नेपाली ३४ रुपैयाँ पुगेको छ ।
डलरकाे भाउ केही समययता निरन्तर बढिरहेकाले नेपाली रुपैयाँ कमजोर बनेको छ । इतिहासमै नेपाली रुपैयाँ यति कमजोर बनेको यो पहिलोपटक हो ।
रुस उक्रेन युद्धको कारण पनि डलरको भाउ बढ्नुको मुख्य कारण मानिएको छ ।
नेपाली रुपैयाँ कमजोर बन्नुको कारण के हो ?
नेपालमा डलरमा हुने उतारचढाव भारतीय रुपैयाँसँग भरपर्दछ । नेपाली मुद्राको भारतीय रुपैयाँसँग स्थिर विनिमय दर हुने भएकाले भारतीय रुपैयाँ कमजोर बन्दा नेपाली रुपैयाँ अवमूल्यन हुन्छ ।
भारतीय रुपैयाँ बलियो बन्यो भने नेपाली रुपैयाँको क्रयशक्ति पनि बढछ । यसको असर नेपाली अर्थतन्त्रमा समेत पर्छ । नेपालमा खासगरी आयात–निर्यात, रेमिट्यान्स, पर्यटन क्षेत्र, सरकारी ऋण, विदेशमा पढ्न जाने, घुम्न जानेहरुलाई डलरमा हुने परिवर्तनले असर पारेको हुन्छ ।
नेपालको अर्थतन्त्रको प्रकृति अनुसार डलरको भाउ बढदा फाइदा भन्दा बेफाइदा बढि नै हुन्छ । नेपालीले उपभोग गर्ने अधिकांश वस्तु आयात गर्नुपर्ने हुन्छ । जसले गर्दा डलरको भाउ बढदा आयात गर्ने वस्तुमा बढि नेपाली रुपैयाँ खर्च हुन जान्छ । तेल, सुन, सवारी साधन लगायत अनिवार्य आयात गर्नुपर्ने वस्तुहरुमा मात्रै खर्बौ रुपैयाँ बाहिरिन्छ । त्यसैले डलरको भाउमा बृद्धि हुँदा नेपाली अर्थतन्त्रमा सिधा असर पारेको हुन्छ ।