कतारले होटेल क्वारेन्टाइन बस्नुपर्ने नियम हटायाे
कतारले होटेल क्वारेन्टाइनको नियम हटाएको छ ।
सेप्टेम्बर ४, २०२२ को बेलुका ६ बजे देखि लागू हुनेगरी क्वारेन्टाइनको नियम हटाइने यहाँको स्वास्थ्य मन्त्रालयले बताएको छ ।
कतार फर्कने यात्रुले यहाँ आएको २४ घन्टा भित्र नजिकैको पिएचसिसि सेन्टर वा मन्त्रालयले स्वीकृत गरेको निजि क्लिनिकमा गएर अनिवार्य रुपमा र्यापिड एन्टिजेन परिक्षण गर्नुपर्नेछ । परिक्षण नगरेसम्म एह्तेराज एपमा खैरो रङ्गको कोड बस्ने मन्त्रालयले बताएको छ ।
कतार आइसकेपछि र्यापिड एन्टिजेन परिक्षण गर्दा कोरोना देखिए क्वारेन्टाइन वा आइसोलेसन बस्नुपर्नेछ ।
त्यस्तै खोप लगाएको म्याद सकिएको यात्रुको हकमा कतार फर्कदा ४८ घन्टा भित्रको अनिवार्य पिसिआर परिक्षण गर्नुपर्नेछ ।
क-कसले पिसिआर परिक्षण गर्नुपर्ने ?
१. कतारमा दोस्रो डाेजसम्म खोप लगाएको ९ महिना कटेको भए परिक्षण गर्नुपर्ने ।
२. कतार सरकारले शर्त अनुसार मान्यता दिएको अर्थात नेपालमा दोस्रो डाेजसम्म खोप लगाएको ६ महिना कटेको भए परिक्षण गर्नुपर्ने ।
३. कतारमा तेस्रो डाेजसम्म खोप लगाएको एक वर्ष कटेको भए परिक्षण गर्नुपर्ने ।
४. कतार वा नेपालमा कोरोना निको भएको १२ महिना कटेको भए परिक्षण गर्नुपर्ने । १२ महिना ननाघेको र निको भएको सर्टिफिकेट पेश गरे पिसिआर परिक्षण गर्न नपर्ने ।
५. नेपालमा वा कतारमा जोनसोनको पहिलो खोप लगाएको ९ महिना कटेको भए परिक्षण गर्नुपर्ने । जोनसोनकै बुस्टर डाेज खोप लगाएको १२ महिना कटेको भए परिक्षण गर्नुपर्ने ।
६. भिजिट भिसामा आउने यात्रुले ४८ घन्टा भित्रको पिसिआर परिक्षण गर्नुपर्ने ।
कतारमा परिक्षणको शुल्क :
१. पिसिआर परिक्षण १६० रियाल ।
२. र्यापिड एन्टिजेन परिक्षण ५० रियाल ।
३. सेरोलोजी एन्टिबडि परिक्षण ५० रियाल ।