आज ७५६ जनाको रिपोर्ट पोजेटिभ,थप ३ को मृत्यु
स्वास्थ्य मन्त्रालयले गएको २४ घण्टामा ७५६ जनामा कोरोना भाइरसको संक्रमण देखिएको र १,९८६ जनालाई निको भएको जानकारी दिएको छ । यो संगै कतारमा भाइरस संक्रमण पुष्टि भएको कुल संख्या ९८,६५३ पुगेको छ ।
भाइरसको कारण आज ३ जनाको ज्यान पनि गएको छ ।स्वास्थ्य मन्त्रालयको रिपोर्ट अनुसार पछिल्लो २४ घण्टामा ५,९१० जनालाई परिक्षण गरिएको थियो ।
कतारमा हालसम्म भाइरस बाट ज्यान गुमाउनेको संख्या १२१ रहेको छ र निको हुनेको संख्या ८८,५८३ पुगेको छ । सरकारले संक्रमित र मृत्यु हुने नागरिकको राष्ट्रियता आजसम्म खुलाएको छैन ।
آخر مستجدات فيروس كورونا في قطر
Latest update on Coronavirus in Qatar#سلامتك_هي_سلامتي #YourSafetyIsMySafety pic.twitter.com/jQDZOLomq9— وزارة الصحة العامة (@MOPHQatar) July 3, 2020
गएको २४ घण्टा भित्रकाे तथ्यांक
अस्पताल भर्ना भएका – ९१ जना
अस्पतालमा उपचार भैरहेका जम्मा – ७६५ जना
आईसीयुमा भर्ना भएका – १० जना
आईसीयुमा उपचार भैरहेका जम्मा – १८५ जना
आज सम्म जाँच भएको संख्या – ३,७२,००५ जना
निको हुन बाँकीको संख्या – ९,९४९ जना
कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।
भाइरस जाँच्न हुने मुख्य चार स्थानहरु :
१. मुऐथर हेल्थ सेन्टर
२. रव्दत अल खेल हेल्थ सेन्टर
३. उम स्लाल हेल्थ सेन्टर
४. अल घराफा हेल्थ सेन्टर