यी ७ स्थानमा गएर विश्वकप निशुल्क हेर्न सकिन्छ
कतारमा आज देखि फिफा विश्वकप सुरु भएको छ ।
देशभरका विभिन्न स्थानमा निशुल्क र शुल्क तिरेर खेल हेर्न सकिने व्यवस्था गरिएको छ । ती मध्ये खेल लाइभ हेर्न सकिने स्थानहरु यस्ता छन् ।
१.दोहा कर्नेश
कर्नेशमास्थित नेशनल म्युजियम अगाडि रहेको एक सय मिटर लामो स्क्रिनमा खेल प्रत्यक्ष हेर्न सकिनेछ । फ्ल्याग प्लाजा नजिकै रहेको यो स्थानमा खेल हेर्न शुल्क लाग्दैन।
२. फक्स स्पोर्ट्स स्टुडियाे,कर्नेश
कर्नेश मेट्राे स्टेशन बाट निस्कने बित्तिकै देखिने फक्स स्पोर्ट्स स्टुडियोमा गएर खेल निशुल्क हेर्न सकिन्छ ।
३.पर्ल कतार
पोर्टो अरेबियाको ३० ला क्रोइसेट एम्फीथिएटर गएर विश्वकपको खेल हेर्न सकिन्छ । खेल हेर्न निशुल्क रहेको छ तर सिट भने सिमित रहनेछ ।
४. फिफा फ्यान फेस्टिभल,अल बिद्दा पार्क कर्नेश
कर्नेशमा रहेको फिफा फ्यान फेस्टिभलमा गएर विश्वकपको खेल हेर्न सबैभन्दा रमाइलो हुनेछ । तर त्यहाँ प्रवेश पाउन अनिवार्य हय्या कार्ड आवश्यक पर्नेछ ।
५.इन्डस्ट्रियल एरिया फ्यान जोन
नेपालीहरु धेरैजसो भेला हुने ग्रान्ड मल नजिकै रहेको एसियन टाउन क्रिकेट स्टेडियममा गएर विश्वकप हेर्न सकिन्छ । ठुलो स्क्रिन,संस्कृतिक कार्यक्रम ,फ्रि वाईफाई,खेल प्रतियोगिता लगायत खानाको स्टल उपलब्ध हुनेछ।
६. न्यु इन्डस्ट्रियल एरिया फ्यान जोन
विश्वकप हेर्नको लागि सरकारले तोकेको अर्को स्थान हो,न्यु इन्डस्ट्रियल एरिया फेस्टिभल जोन । कार्यक्रम स्थल इन्डस्ट्रियल एरियाको स्ट्रिट ५५ मा रहेको छ । यो स्थान बेलुका ४ देखि राती १० बजे सम्म खुला रहनेछ । यहाँ निशुल्क रक्तचाप र मधुमेहको परिक्षण पनि हुनेछ ।
७. अल खोर फ्यान जोन
अल खोरमा बस्ने श्रमिकको लागि पनि सरकारले विश्वकप हेर्न व्यवस्था दिएको छ । अल खोर स्थित अल खोर स्पोर्ट्स कम्प्लेक्समा गएर यहाँ विश्वकपका सबै खेलहरु प्रत्यक्ष हेर्न सकिन्छ । त्यस बाहेक कार्यक्रम स्थलमा संस्कृतिक कार्यक्रम ,फ्रि वाईफाई,खेल प्रतियोगिता लगायत खानाको स्टल राखिनेछ ।