विश्वकप उपाधिका लागि अर्जेन्टिना र फ्रान्स भिड्ने

कतारमा जारी फिफा विश्वकपको फाइनलमा अर्जेन्टिना र फ्रान्स भिड्ने भएका छन् । विश्वकपको उपाधिका लागि साविक विजेता फ्रान्स र अर्जेन्टिना बीच आईतवार साँझ ६ बजे  प्रतिस्पर्धा हुने भएको हो ।

क्रोएसियालाई ३–० गोल अन्तरले पराजित गरेर अर्जेन्टिना फाइनल खेलमा प्रवेश गरेको हो । त्यस्तै गएराति भएको सेमिफाइनलको खेलमा मोरक्कोलाई २–० गोल अन्तरले पराजित गर्दै फ्रान्स फाइनल खेलमा प्रवेश गरेको हो ।

फाइनलमा अर्जेन्टिनाका कप्तान लियोनल मेस्सी र फ्रान्सका एमबाप्पेको खेल रोचक हुने देखिएको छ ।

मोरक्कोले तेस्रो स्थानका लागि शनिबार क्रोएसियासँग खेल्नेछ।

 संयोगहरु

• अर्जेन्टिना र फ्रान्स दुवै दुई पटकको विश्व च्याम्पियन हुन् ।
• अर्जेन्टिना छैटौं पटक र फ्रान्स चौथो पटक विश्वकपको फाइनलमा पुगेका छन् ।
• दुवैले दुई पटक उपाधि जितिसकेका छन् । अर्जेन्टिना र फ्रान्स दुवैले पहिलो विश्वकप घरेलु मैदानमा आयोजकको रुपमा जितेका थिए ।