मार्च ९ देखि कतारमा “छक्का पन्जा ४ “

नेपाली कथानक चलचित्र “छक्का पन्जा ४” कतारमा पनि प्रदर्शन हुने भएको छ ।

आउने मार्च ९ देखि कतारको प्रायजसो हलहरुमा फिल्म लाग्ने तय भएको छ । नेपालमा यो चलचित्र आउने शुक्रबार देखि प्रदर्शनको तयारीमा छ ।

हेमराज बीसीको निर्देशनमा बनेको फिल्ममा दीपकराज गिरी, दीपाश्री निरौला, केदार घिमिरे, निर्मल शर्मा, बुद्धि तामाङ, स्वस्तिमा खड्का, राज आचार्य, सुष्मा निरौला, वेदना राईलगायत कलाकारको अभिनय छ । फिल्मको कथा दीपकराज गिरीले तयार पारेका हुन् । नरेन्द्र मैनालीले छायांकन गरेको फिल्मलाई निमेष श्रेष्ठले सम्पादन गरेका हुन् । दीपेन्द्र खनिया र केशव न्यौपाने निर्माता रहेको फिल्मका कार्यकारी निर्माता केदारप्रसाद घिमिरे र निर्मल शर्मा छन् ।

फिल्मको अघिल्लो संस्करणहरुले नेपालमा सबैभन्दा बढी व्यापार गर्दै रेकर्ड राखेको छ ।