करिमले कतारमा सेवा बन्द गर्यो

राइड हेलिङ एप करिमले कतारमा सेवा बन्द गरेको छ ।

आफ्नो ग्राहकहरुलाई इमेल तथा एप मार्फत सूचना जारी गर्दै कम्पनीले आज फेब्रुअरी २८ देखि सेवा बन्द गरेको बताएको छ ।

एपमा क्रेडिट र प्याकेज भएका ग्राहकलाई मार्च १५ भित्र रकम फिर्ता गर्ने पनि सूचनामा उल्लेख गरिएको छ ।

सन् २०१३ देखि कतारमा सेवा सुरु गरेको करिमलाई २०१९ मा अमेरिकी कम्पनी उबर टेक्नोलोजीले ३.१ बिलियन डलरमा खरिद गरेको थियो ।