कतारमा ‘छक्का पन्जा ४’ दोस्रो हप्तामा

नेपाली कथानक चलचित्र “छक्का पन्जा ४” कतारमा दोस्रो हप्तामा पनि प्रदर्शन भैरहेको छ ।

मार्च ९ देखि कतारमा प्रदर्शनमा आएको फिल्मले पहिलो हप्ताको दुई दिन ६१ शो पाएको थियो । नेपालमा मात्र नभई कतारमा पनि फिल्मले दर्शकको उल्लेखनीय साथ पाएको छ ।

हेमराज बीसीको निर्देशनमा बनेको फिल्ममा दीपकराज गिरी, दीपाश्री निरौला, केदार घिमिरे, निर्मल शर्मा, बुद्धि तामाङ, स्वस्तिमा खड्का, राज आचार्य, सुष्मा निरौला, वेदना राईलगायत कलाकारको अभिनय छ । फिल्मको कथा दीपकराज गिरीले तयार पारेका हुन् ।

फिल्मको अघिल्लो संस्करणहरुले नेपालमा सबैभन्दा बढी व्यापार गर्दै रेकर्ड राखेको छ ।