आश्माले अन्नपूर्ण १ हिमालको सफल आरोहण गरिन

कतारको राजकुमारी शेखा आश्मा अल थानीले अन्नपूर्ण १ हिमालको सफल आरोहण गरेकी छिन् ।

गण्डकी प्रदेशमा रहेको ८,०९१ मिटरको विश्वकै १० औं अग्लो अन्नपूर्ण हिमाल आश्माले गएको शनिबार आरोहण गरेकी हुन् ।

यो संगै उनले आठ हजार मिटर माथिको १४ मध्ये सात हिमालको सफल आरोहण गर्ने पहिलो कतारी नागरिक बनेकी छिन् ।

यो भन्दा पहिले आश्माले विश्वको सातौं अग्लो हिमाल धौलागिरी र मनास्लुको आरोहण गरेकी थिइन् । त्यस्तै मनास्लु हिमाल अक्सिजनविना आरोहण गर्ने शेखा आश्मा पहिलो अरब नागरिक हुन् ।

निर्मल पुर्जाको नेतृत्वमा रहेको इलाईट एक्स्पेडिसनको व्यवस्थापनमा आश्माले राजकुमारी आश्माले नेपालको हिमाल चुम्दै आइरहेकी छिन् । पुर्जाले विश्वको ८ हजार माथिको १४ वटा हिमाल ६ महिना ६ दिनमा चढेर विश्व कीर्तिमान समेत राखेका छन् ।