कतारमा विश्वको सबैभन्दा लामो एलईडी स्ल्याकलाइन हिड्ने कीर्तिमान कायम
प्रख्यात रेड बुल एथलीट जान रुजले हालै कतारमा विश्वको सबैभन्दा लामो एलईडी स्ल्याकलाइन वाकको कीर्तिमान कायम गरेका छन्।
रुजले कतारको सबैभन्दा प्रतिष्ठित आर्किटेक्चरल ल्यान्डमार्क अर्धचन्द्राकार कतरा टावर लाई पार गरेर विश्वको सबैभन्दा लामो एलईडी-लाइट, सिंगल-बिल्डिंग स्ल्याकलाइन पूरा गरी विश्व कीर्तिमान कायम गरेका हुन् ।
तीन पटकको स्ल्याकलाइन विश्व च्याम्पियन एस्टोनियाली नागरिक रुजले लुसेल सिटीमा अवस्थित अर्धचन्द्राकार आकारको कतरा टावरमा रहेको राफल्स र फेयरमोन्ट होटेल बिचको १५० मिटर भन्दा बढीको दूरी, १८५ मिटरभन्दा बढीको उचाई र जम्मा २.५ सेन्टिमिटर चौडाइको लाइनमा खराब मौसमको बावजुद पनि हिँडेर विश्वको सबैभन्दा लामो एलईडी स्ल्याकलाइन वाकको कीर्तिमान कायम गरेका छन् ।
“जब मैले प्रतिष्ठित टावरहरू देखेँ, मैले पहिलो पटक सोचेको थिएँ, यो त्यो भवन हो जुन म हिड्नु पर्छ,” रुजले चुनौतीको दस्तावेजीकरण गरिएको भिडियोमा भने।
@qnkhabarWorld Record for longest LED slackline walk in Qatar – Video credit: RedBullQatar
जान रुज तीन पटकको विश्व च्याम्पियन र धेरै विश्व कीर्तिमानी धारक हुन्। उनी स्ल्याकलाइनमा डबल ब्याकफ्लिप प्रदर्शन गर्ने पहिलो र एकमात्र एथलीट हुन् जसले अनौंठो चालहरू प्रदर्शन गर्नको लागि स्टिलको नर्भहरू राख्नका लागि पनि उतिकै परिचित छन्।
स्पार्कलाइन वाक कतारमा विश्वव्यापी ईवेन्टहरूको एक्शन-प्याक क्यालेन्डरको एक भागको रूपमा भएको थियो।
सन् २०२३ कतारमा मोटोजीपी, एएफसी एसियन कप, कतार फर्मुला वान ग्रान्ड प्रिक्स र जेनेभा इन्टरनेसनल मोटर शो जस्ता थुप्रै चर्चित र प्रमुख खेल प्रतियोगिताहरू हुने अपेक्षा गरिएको छ।
