इद अप्रिल १० तारिक पर्ने

खगोलिय हिसाब अनुसार यो वर्षको इद अल फित्र अप्रिल १० तारिक पर्ने भएको छ ।

कतार क्यालेन्डर हाउस र कुवेती अल-ओजैरी वैज्ञानिक केन्द्रका अधिकारीहरुले गरेको हिसाब अनुसार अप्रिल ९ तारिक रमादान  महिना सकिने र १० तारिक बुधबार देखि शाव्वल महिना सुरु हुनेछ ।

शाव्वल महिनाको अर्धचन्द्रमा ८ तारिक सोमबार (चन्द्रमा हेर्ने दिन ) राति ९:२२ बजे उदाउने भएपनि कतार लगायत अरब राष्ट्रहरुबाट चन्द्रमा देख्न असम्भव हुने भएकाले इद १० तारिक पर्ने क्यालेन्डर हाउसको बिज्ञप्तिमा उल्लेख छ ।

यद्यपि इस्लामिक परम्परा अनुसार चन्द्रमा नहेरी इदको घोषणा हुँदैन।