आज पनि कांग्रेसले गृहमन्त्रीलाई बोल्न दिएन, सभामुखले गरे संसद् बैठक स्थगित

काठमाडौं ,जेठ १-

सभामुख देवराज घिमिरेले गृहमन्त्री रवि लामिछानेलाई समय उपलब्ध गराएपछि नेपाली कांग्रेसले संसद् बैठक अवरुद्ध गरेको छ । सभामुखले समय दिएपछि गृहमन्त्री रोस्टमतर्फ अघि बढेका थिए । तर, कांग्रेसले उनलाई जान दिएन । त्यसपछि उनी वेलमै रोकिएका थिए ।

प्रमुख प्रतिपक्षी दल कांग्रेससँग सहमति नगरी सभामुखले गृहमन्त्रीलाई बोल्न समय दिएपछि कांग्रेसले वेल घेराउन गरेको हो । कांग्रेसको नाराबाजीपछि सभामुख घिमिरेले संसद् बैठक स्थगित गरेका छन् । सरकारको नीति तथा कार्यक्रम प्रस्तुत गरेकोमा राष्ट्रपतिलाई धन्यवाद दिने प्रस्तावसहितका सबै कार्यसूची हटाएर उनले बैठक स्थगित गरेका छन् ।

यस समाचारको श्रोत : www.narayanionline.com हो ।