जुन १ देखि ट्राफिक जरिवानामा ५० प्रतिशत छुट हुने

जुन १ देखि तीन महिना ट्राफिक जरिवानामा ५० प्रतिशत छुट हुने ट्राफिक विभागले बताएको छ ।

ट्राफिक उल्लंघनको जरिवाना भुक्तानीलाई सहज बनाउन यस्तो पहल सुरु गरिने विभागले हिजो भएको पत्रकार सम्मेलन मार्फत जानकारी दिएको छ ।

पहल अनुसार ट्राफिक नियम उल्लङ्घन गरी तिर्न बाँकि जरिवाना चालकले आगामी अगस्ट ३१ को समयसीमामा तिरे ५० प्रतिशत छुट पाउनेछन् । जरिवाना मेट्राश २ एप मार्फत भर्न सकिन्छ । त्यस्तै जरिवाना तीन वर्ष भन्दा यताको हुनुपर्ने विभागले बताएको छ ।

राडार,ट्राफिक प्रहरीले समातेको,सवारी जफत लगायतको जरिवानामा आधा छुट हुनेछ ।

त्यस्तै यसै वर्षको सेप्टेम्बर महिनाबाट ट्राफिक जरिवाना भुक्तानी नगरी कतार छोड्न नपाइने पनि नियम लागू हुँदैछ ।