नारायणगढ–मुग्लिन सडक पूर्ण रुपमा अवरुद्ध, देवघाटमा १०० जनाको उद्धार
चितवन, असोज १२-
पहिरो खसेर नारायणगढ–मुग्लिन सडक पूर्ण रुपमा अवरुद्ध भएको छ । नौ किलो भन्ने स्थानमा सडक दुई फित तल भासिएकाले सडक तत्काल सूचारु हुने सम्भावना न्युन छ । सडक भासिएको ठाउँमा जुगेडीबाट मुग्लिन.तर्फ जाँदै गरेको प्र३–०१–०२४ च ३०५६ नम्बरको बलेरो जिप फसेको छ ।
इच्छाकामना गाउँपालिका–४ घोप्टेभिरमा खसेको पहिरो दुई वटा स्काभेटरले पन्छाउन थालेको चितवनका प्रमुख जिल्ला अधिकारी इन्द्रदेव यादवले जानकारी दिए । इच्छाकामना–३ मौवाखोला, पानीधारा र दतिखोलामा पनि पहिरो खसेर सडक अवरुद्ध भएको छ ।
त्यस्तै, नारायणी नदीमा आएको बाढीले भरतपुर महानगरपालिका–१ देवघाट स्थितमा रहेको जय भोले कुटी (थारु कुटी) र अखण्ड धर्मशाला डुबानमा परेका छन् । कुटी र धर्मशालामा बस्ने १०० जनालाई उद्धार गरी मारवाडी समाजको भवनमा राखिएको छ ।
भरतपुर–२५ सखुवानी बस्ने राजेन्द्र महतोले सञ्चालन गरेको शिव फर्निचरमा बेथरी खोलाको बाढी पसेको प्रजिअ यादवले बताए । बाढीले काठ, मुढा लगायतका फर्निचर बगाएको छ भने मानवीय क्षति नभएको उनले बताए । प्रहरी र स्थानीयहरु उद्धारमा जुटेका छन् ।
यस समाचारको श्रोत : www.narayanionline.com हो ।