मलेसियाका पूर्वप्रधानमन्त्री नाजिव रजाक पक्राउ

मलेसियाका पूर्वप्रधानमन्त्री नाजिब रजाक अाज मंगलवार पक्राउ परेका छन् । मंगलबार मलेसियाको समय अनुसार २:४५ बजेतिर रजाकलाई उनकै निवासबाट पक्राउ गरिएको हो ।

मलेसियन एन्टी करप्सन कमिसनले उनी पक्राउ परेको पुष्टि गरेको मलेसियाको स्थानीय अनलाइन द स्टारले जनाएको छ । 

लामो समयदेखि भ्रष्टाचारको आरोप खेप्दै आएका रजाकलाई राज्य विकास कोष संलग्न भएको ‘वनएमडीबी’ नामक एउटा कोषबाट ७० करोड अमेरिकी डलर कुम्ल्याएको आरोप लागेको थियो।