भिजिट भिसामा आफन्त कसरी ल्याउने ?
प्रक्रिया पुर्याएर कतारमा आफ्नो आफन्त सजिलै सङ ल्याउन पाइन्छ । त्यसका लागी तपाई कुनै स्पोन्सर अन्तर्गत कार्यरत भै श्रम कानून अनुसार मान्यता प्राप्त तपाई र कम्पनी बिच काम करार पत्रमा सहमती भएको हुनुपर्दछ । करार पत्रमा तपाइको कामको विवरण,कार्य समय,तलब लगायत अन्य उल्लेख गरिएको हुनुपर्छ ।
आवश्यक कागजात
- फेमिलि भिसाको निवेदन दिन सर्वप्रथम तपाई सँग म्याद भएको वैध कतारी आईडी हुन जरुरी त भईहाल्यो । त्यसको कपी राख्नुहोस ।
- कुनै टाइपिङ सेन्टरमा गएर भिसाको निवेदन फारम भर्नुहोस ।
- कम्पनी बाट कम्तिमा तिन महिना सम्म म्याद भएको एनवोसि लेटर बनाउनुहोस।
- कामको विवरण,कार्य समय,तलब लगायत अन्य उल्लेख गरिएको करार पत्र राख्नुहोस ।
- स्वदेशको परराष्ट्र मन्त्रालय तथा कतारी दूतावास बाट प्रमाणित भएको शैक्षिक योग्यताको सर्टिफिकेट बनाउनुहोस। अंग्रेजीमा नभए उल्था गरिएको कागज मन्त्रालय र दूतावास बाट प्रमाणित गर्नुहोस। यो कतार बाट पनि गर्न सकिन्छ ।
- नगरपालिका बाट प्रमाणित भएको घर भाडाको करार पत्र ( लिज कन्ट्रयाक्ट) तयार पार्नुहोस ।
- आफ्नो नाममा आएको बिजुली तथा पानीको बिलको रशिद राख्नुहोस। बलदिया बाट प्रमाणित भएको घर भाडाको करार पत्र भए बिल तपाइँकै नाममा आउनेछ।
- श्रीमतीको लागि मन्त्रालय र दूतावास बाट प्रमाणित भएको बिबाह दर्ता प्रमाण पत्र। अंग्रेजीमा नभए उल्था गरी प्रमाणित गरिएको पत्र।
- बच्चाको लागि मन्त्रालय र दूतावास बाट प्रमाणित भएको जन्म दर्ता प्रमाण पत्र। अंग्रेजीमा नभए उल्था गरी प्रमाणित गरिएको पत्र।
- मासिक १० हजार तलब भएको देखिने गरी ६ महिनाको बैंक स्टेटमेन्ट हुनपर्ने । कम्पनीले घर भाडा दिएको खण्डमा कम्तीमा ७ हजार तलब भएको हुनुपर्ने ।
- श्रीमती / बच्चाको पासपोर्ट कपी ।
- आफन्त ल्याउन मन्त्रालय र दूतावास बाट प्रमाणित भएको ‘गुड कन्डक्ट’ सर्टिफिकेट ।
कहाँ बुझाउने ?
- माथिको सबै कागजात जम्मा गरी नजिकैको अध्यागमन कार्यालयमा ( इमिग्रेसन अफिस) गएर बुझाउनु पर्नेछ । निवेदन बुझाउदा त्यसको नम्बर साथमा राख्नुहोला।
- दुर्इ दिन पछि मन्त्रालयको वेबसाइटमा गएर भएको/ नभएको चेक गर्न सकिन्छ ।
भिसा स्वीकृत भएमा
- भिसा प्रदान भएको खण्डमा निवेदकको फोनमा म्यासेज आउनेछ । त्यसका लागि आफ्नो फोनमा मेट्राश २ एप दर्ता गर्न जरुरी छ । त्यसपछि नजिकैको सेवा कार्यलयमा गएर पैसा बुझाउनु पर्नेछ ।
भिसा स्वीकृत नभएको खण्डमा
- अध्यागमन कार्यालयमा गएर भिसा स्वीकृत समिति सँगको छलफलका लागि अनुरोध गर्नुहोस ।
- रशिदको कपी आफूले राखी सक्कल बुझाउनुहोस । त्यहाँ बाट छलफलका लागि समय तोक्नेछ ।
- कुनै ठूलो कारण नदेखिए पुन सोधपूछको लागि समय दिईनेछ । त्यहाँ तपाईलाई सजिलै प्रश्न जस्तै तपाइँको काम,तलब इत्यादि बारे सोधिनेछ ।
- भिसा प्रदान भएको खण्डमा तिन दिन भित्र निवेदकको फोनमा म्यासेज आउनेछ । त्यसका लागि आफ्नो फोनमा मेट्राश २ एप दर्ता गर्न जरुरी छ । त्यसपछि नजिकैको सेवा कार्यलयमा गएर पैसा बुझाउनु पर्नेछ ।
मेडिकल चेकअप
श्रीमतीको मेडिकल जाँचका लागि मेसैमेरमा रहेको मेडिकल कमिसनमा जानुपर्नेछ । त्यहाँ महिला तर्फको सेवामा गई स्वास्थ्य जाँच गराउनु पर्छ । जम्मा १०० रियाल शुल्क तिरेर एक्सरे , रगत जाँच गर्न पाइनेछ ।
मेडिकल जाँच स्वीकृत बढीमा तिन दिन पछि आफ्नो फोनमा म्यासेज आउनेछ । त्यसपछि पुन त्यहीं कार्यलयमा गई फिङरप्रिन्ट गर्नुपर्नेछ ।
फिङरप्रिन्ट
सोही कार्यलयमा रहेको छ। पुरुष तर्फको कार्यलयमा गई फारम लिने र महिला तर्फको कार्यलय मा श्रीमतीलाई पठाउने । त्यहाँको काम सकिएको दिन वा बढीमा तिन दिन भित्र अध्यागमन कार्यलय गएर दुबै जनाको हस्ताक्षर भएको फारम बुझाउने र आइडी लिने ।
यो पनि पढ्नुहोस : कतार घुम्न आउन भिसाको पैसा नलाग्ने
