एमालेले पाउने जग्गा भाटभटेनी सञ्चालक मिनबहादुर गुरुङको नाममा पास
काठमाडौँ, कात्तिक २६-
एमालेले जग्गादान लिएको जग्गा भाटभटेनीको नाममा पास भएको छ । भाटभटेनी डिपार्टमेन्ट स्टोरका सञ्चालक मिनबहादुर गुरुङले जग्गादान घोषणा गरेको करिव एक महिनापछि उक्त जग्गा बल्ल उनले आफ्नो नाममा लिएका हुन् ।
एमालेले जग्गादान लिएको विवादमा सर्वोच्च अदालतमा सुनुवाइ हुनुअघि कालु गुरुङ लगायत सञ्चालक रहेको रोड सो रियल स्टेटका नाममा नाममा रहेको जग्गा केही दिनअघि उक्त जग्गा नामसारी भएको हो ।
‘बिक्री प्रक्रियामार्फत रोड सो रियल स्टेटका नाममा रहेको जग्गा भाटभटेनी डिपार्टमेन्ट स्टोर प्रा.लि.का नाममा आएको छ’ मालपोत कार्यालय, कलंकी स्रोतले भन्यो, ‘तिहार बिदापछि उक्त जग्गा पास गर्ने काम भइसकेको छ ।’
गुरुङले दशैंको फूलपातीका दिन एमालेको केन्द्रीय कार्यालय बनाउन जग्गादान घोषणा गरेका थिए । घोषणा अनुसार, उनले एक वर्षभित्र आफैले तीनवटा भवन बनाएर एमालेलाई जग्गा र भवन हस्तान्तरण गर्नेछन् ।
यस समाचारको श्रोत : www.narayanionline.com हो ।