स्कुल बसले ठक्कर दिँदा मोटरसाइकल चालकको मृत्यु

काठमाडौं, पुस ३-

दाङमा स्कुल बसको ठक्करबाट मोटरसाइकल चालकको मृत्यु भएको छ।

मृत्यु हुनेमा राप्ती गाउँपालिका–८ बिजौरीका ३१ वर्षीय कृष्णबहादुर शाही रहेको जिल्ला प्रहरी कार्यालय दाङले जनाएको छ। मंगलबार बेलुकी साढे ७ बजे रा १ क १४१८ नम्बरको गोरखा आइडियल स्कुलको बसले रा ५ प २६०१ नम्बरको मोटरसाइकललाई ठक्कर दिँदा घटनास्थलमै उनको मृत्यु भएको जिल्ला प्रहरी कार्यालय दाङका प्रहरी जवान सिर्जन चौधरीले जानकारी दिए।

घटनापछि आक्रोशित स्थानीयवासीले पूर्व(पश्चिम राजमार्गको बिजौरी खण्डमा सडक अवरुद्ध गरेका थिए। मृतकको परिवारलाई क्षतिपूर्ति, मृतकको श्रीमतीलाई रोजगारी र २ बच्चालाई कक्षा १२ सम्म पढाउने लिखित सहमति भएपछि रातिदेखि नै सडक खुलेको जिल्ला प्रहरी कार्यालय दाङले जनाएको छ।

यस समाचारको श्रोत : www.narayanionline.com हो ।