कतारका हलहरुमा आज देखि ‘पूर्ण बहादुरको सारङी’

कतारका हलहरुमा आज बुधबारदेखि ‘पूर्ण बहादुरको सारङी’ प्रदर्शनमा आएको छ ।

गएको हप्ता कतार सरकारले अचानक दिएको दुई दिने बिदाका कारण फिल्म सेन्सर पास भएपनि सर्टिफिकेट हातमा नपरेका कारण प्रदर्शन हुन नसकेको “पूर्ण बहादुरको सारङ्गी” आज देखि भने फिल्म प्रदर्शनमा आएको कतारका लागि फिल्मका वितरक रमेश ढकालले क्युएन खबरलाई जानकारी दिएका छन् ।

फिल्म एसिएन टाउन, भिल्लाजियो,सिटी सेन्टर, अल खोर ,जेरो वान मल र शुक वकिफ लगायतका हलमा प्रदर्शन भैरहेको छ ।

कलाकार विजय बरालको मुख्य अभिनय रहेको चलचित्र ‘पूर्णबहादुरको सारंगी’ले नेपाली चलचित्रका एकपछि अर्काे रेकर्ड ब्रेक गरिरहेको छ । सबैभन्दा छिटो समयमा धेरै कमाउने चलचित्रको रेकर्ड बनाउन सफल चलचित्रलाई सरोज पौडेलले निर्देशन गरेका हुन् भने महेश दवाडीले कथा लेखेका छन् ।

सेभेन सिस सिनेमा र बासुरी फिल्मस्को प्रस्तुति रहेको यस चलचित्रको निर्माता विनोद पौडेल र प्याट्रिक सुवेदी तथा कार्यकारी निर्मातामा रमेश चौलागाईं, हरि श्रेष्ठ र रमेश ढकाल रहनुभएको छ ।

यो चलचित्र गन्धर्व परिवारको कथावस्तुमा आधारित छ । चलचित्रले एउटा बुबाले छोराको सफलताका लागि गरेको सङ्घर्षको कथा समेटेको छ ।

Nepali film / Movie Purna Bahadur ko Sarangi in Qatar !