फिफा इन्टरकन्टिनेन्टल कपको टिकट बिक्री सुरु
कतारले आयोजना गर्न लागेको फिफा इन्टरकन्टिनेन्टल लगायत अन्य दुई प्रतियोगिताको अन्तर्गत अन्तिम तीन खेलको टिकट बिक्री आज देखि सुरु हुँदैछ ।
भिसा कार्ड धारकहरूका लागि टिकट आज बिहीबार, नोभेम्बर १४ तारिक दिउँसो १२ बजे बाट प्रि-सेल अवधि सुरु हुनेछ । अन्यका लागि टिकट नोभेम्बर २१ बाट उपलब्ध हुनेछ । आफ्नो आधिकारिक वेबसाईट बाट मात्रै एक जनाले ६ वटा सम्म टिकट खरिद गर्न पाउने फिफाले जनाएको छ । टिकट दर पहिलो दुई खेलका लागि ४० देखि १५० र फाइनल खेलका लागि २०० देखि १००० रियाल सम्म तोकिएको छ ।
डिसेम्बर ११ देखि १८ सम्म हुने प्रतियोगितामा च्याम्पियन्स लिग विजेता रियल म्याड्रिडले सिधै फाइनल खेल खेल्नेछ ।
हुने खेलहरु :
डिसेम्बर ११ : फिफा डर्बी अफ अमेरिका
कन्मेबोल च्याम्पियन विरुद्ध पचुका सि एफ (मेक्सिको )। ९७४ रंगशाला
डिसेम्बर १४: फिफा च्यालेन्जर कप
डर्बी अफ अमेरिका विरुद्ध अल अह्लि (इजिप्ट) । ९७४ रंगशाला
डिसेम्बर १८ : फिफा इन्टरकन्टिनेन्टल कप
फिफा च्यालेन्जर कप विजेता विरुद्ध रियल म्याड्रिड। लुसेल रंगशाला ।
