भारतको उत्तरप्रदेशमा कारले अटोरिक्सालाई ठक्कर दिँदा ७ जनाको मृत्यु

भारत, मंसिर १-

भारतको उत्तरप्रदेशमा कारले अटोरिक्सालाई ठक्कर दिँदा सात जनाको मृत्यु भएको छ । आज (शनिबार) बिहान उत्तर प्रदेशको बिजनौरमा अटोरिक्सालाई कारले ठक्कर दिदाँ चालकसहित सात जनाको मृत्यु भएको हो ।

भारतको समाचार एजेन्सी पीटीआईका अनुसार क्रेटा कारले कुनै एक गाडिलाई ओभरटेक गर्दै थियो, त्यहीबेला अचानक लेन बदल्दा अटोरिक्सालाई ठक्कर दिएको थियो । ६ जनाको दुर्घटनास्थलमै र अटो रिक्सा चालकको अस्पतालमा उपचारको क्रममा मृत्यु भएको थियो ।

मृतकहरु सबै भारतको धामपुर भन्ने स्थानका हुन् । उनीहरु मुरादाबाद रेलवे स्टेसनबाट फर्किरहेका थिए ।

यस समाचारको श्रोत : www.narayanionline.com हो ।