सहकारी ठगी प्रकरणः जोशीलाई काठमाडौं ल्याउने तयारी

काठमाडौं, मंसिर ४-

प्रहरीले स्वर्णलक्ष्मी सहकारीको रकम अपचलनबारे अनुसन्धान गर्न पूर्वडीआईजी छविलाल जोशीलाई काठमाडौं ल्याउने तयारी गरेको छ ।

जोशी र पूर्वगृहमन्त्री तथा राष्ट्रिय स्वतन्त्र पार्टी ९रास्वपा०का सभापति रवि लामिछानेविरुद्ध आइतबार काठमाडौं जिल्ला अदालतले पक्राउ पुर्जी जारी गरेको थियो ।

पक्राउ पुर्जी जारी भएसँगै जोशीलाई मंगलबार काठमाडौं ल्याउने तयारी गरिएको हो । त्यसका लागि कास्की प्रहरीलाई काठमाडौं प्रहरीले अनुरोध गरेको छ ।

जोशीको बयान सकिएलगत्तै लामिछानेलाई ल्याउने तयारी प्रहरीको छ । जोशी र लामिछानेलाई छुट्टाछुट्टै समयमा ल्याउने योजनामा काठमाडौं प्रहरी छ ।

कास्की प्रहरीका डीएसपी बसन्त शर्माले जोशीलाई मंगलबार काठमाडौं पठाउने टिकट ‘कर्न्फम’ नभएको बताए । फाइल तस्बिर ।

यस समाचारको श्रोत : www.narayanionline.com हो ।