भरतपुरमा मोटरसाइकलको ठक्करबाट साइकलयात्री गम्भीर घाइते

चितवन, मंसिर ७-

भरतपुर महानगरपालिका–४ शिवघाटमा मोटरसाइकलको ठक्करबाट साइकलयात्री गम्भीर घाइते भएकी छन् ।

बिहीवार बेलुका साढे ४ बजेको समयमा नारायणगढबाट शरणपुरतर्फ जाँदै गरेको ना २२ प ३४०० नम्बरको मोटरसाइकलले विपरीत दिशाबाट जाँदै गरेको साइकललाई ठक्कर दिएको थियो ।

मोटरसाकइलको ठक्करबाट भरतपुर–४ राधाकृष्णचोक बस्ने ५५ वर्षीय गोमा कुमारी रोका गम्भीर घाइते भएको जिल्ला प्रहरी कार्यालय चितवनले जानकारी दिएको छ । रोकाको अनुहार र टाउको पछाडिको भागमा गम्भीर चोट लागेको छ ।

घाइतेको चितवन मेडिकल कलेजमा उपचार भइरहेको प्रहरीले बताएको छ । मोटरसाइकल र चालक वीरगञ्ज महानगरपालिका–१८ बस्ने वर्ष १८ को रन्जित महतोलाई प्रहरीले नियन्त्रणमा लिएको छ ।

यस समाचारको श्रोत : www.narayanionline.com हो ।