चितवनको उपरदाङगढीमा पिकनिक खाएर फर्कदै गरेको स्कुल बस दुर्घटना, १५ घाइते

चितवन,मंसिर ८-

चितवनको उपरदाङगढीमा पिकनिक खाएर फर्कदै गरेको स्कुल बस दुर्घटनामा परेको छ । कालिका नगरपालिका ४ पदमपुरस्थित चित्रवन माविको मधेश प्रदेश ०३-०११ क २६७७ नम्बरको बस दुर्घटनामा परेको जिल्ला प्रहरी कार्यालय चितवनले जानकारी दिएको छ । कालिका नगरपालिका ९ द्रब्यटारमा बस दुर्घटनामा परेको बताइएको छ । दुर्घटनामा चालकसहित १५ जना विद्यार्थी घाइते भएको र उनिहरुलाई उपचारका लागि भरतपुरका अस्पताल ल्याइएको छ । घाइतेमध्ये ९ जनाको चितवन मेडिकल कलेज र ६ जनाको पुरानो मेडिकल कलेजमा उपचार भइरहेको छ । एक जना विद्यार्थीको अवस्था गम्भिर रहेको प्रहरीले जनाएको छ । उपरदाङगढी गएर फर्कने क्रममा ब्रेक फेल भई आज साँझ पौने छ बजे विद्यार्थी बोकेको बस दुर्घटनामा परेको हो ।

यस समाचारको श्रोत : www.narayanionline.com हो ।