ब्रेक फेल भएर दुर्घटना भएको थियो स्कुल बसः घाइतेको संख्या १८ पुग्यो (अपडेट)

चितवन, मंसिर ८-

चितवनको उपरदाङगढीमा पिकनिक खाएर फर्कदै गरेको स्कुल बस दुर्घटनामा परेको छ । कालिका नगरपालिका ४ पदमपुरस्थित चित्रवन माविको मधेश प्रदेश ०३–०११ क २६७७ नम्बरको बस आज साँझ ५ बजे कालिका नगरपालिका ९ द्रब्यटारमा बस दुर्घटनामा परेको जिल्ला प्रहरी कार्यालय चितवनले जानकारी दिएको छ ।
दुर्घटनामा चालकसहित १८ जना विद्यार्थी घाइते भएको जिल्ला प्रहरी कार्यालय चितवनका प्रहरी निरिक्षक लक्ष्मण केसीले जानकारी दिए । घाइतेमध्ये एक जनाको अवस्था गम्भिर रहेको छ । अहिले चितवन मेडिकल कलेजमा १० र पुरानो मेडिकल कलेजमा ८ जनाको उपचार भइरहेको केसीले जानकारी दिए । उनका अनुसार ३० जना विद्यार्थी सहित ३६ जना बसमा सवार थिए । पिकनिक खाएर फर्किदै गर्दा ब्रेक फेल भएर सवारी दुघर्टना भएको उनले बताए । घाइतेहरुको पुरा विवरण आउन बाँकी रहेको छ ।

यस समाचारको श्रोत : www.narayanionline.com हो ।