अष्ट्रेलियाविरुद्ध शतक हान्दै विराटले तोडे ब्रेडमैनको रेकर्ड

काठमाडौं,मंसिर ९-

भारतका स्टार ब्याट्सम्यान विराट कोहलीले अष्ट्रेलियाविरुद्धको जारी टेष्टमा शतक प्रहार गर्दै सर डान ब्रेडमैनको रेकर्ड तोडेका छन् । पर्थमा भइरहेको टेष्टको दोस्रो इनिङ्समा विराटले शतक प्रहार गरे । उनी भारतले इनिङ्स समाप्तिको घोषणा गर्दा १०० रनमा अविजित रहे ।

योसँगै कोहलीले अष्ट्रेलियाका ब्रेडमैनको २९ शतकको रेकर्ड तोडेका छन् । टेष्टमा उनको यो ३० औं शतक हो ।समग्रमा कोहलीले अहिलेसम्म ८१ शतक प्रहार गरिसकेका छन् । उनले एकदिवसीयमा ५० र टी-२० अन्तराष्ट्रियमा एक शतक प्रहार गरेका छन् । भारतले यो टेष्टमा ४८३ रन बनाएर इनिङ्स समाप्तिको घोषणा गरेको छ । अष्ट्रेलियाले तेस्रो दिन नै ५३४ रनको विशाल लक्ष्य पाएको छ ।

यस समाचारको श्रोत : www.narayanionline.com हो ।