भरतपुरमा खाना पकाउने ग्यास लिक भई आगलागी हुँदा दुई जना घाइते

चितवन, मंसिर ११-

भरतपुर महानगरपालिका–१८ भुवनबस्ती स्कुल टोलस्थित एक घरमा सोमवार खाना पकाउने ग्यास लिक भई आगलागी हुँदा दुई जना घाइते भएका छन् ।

स्थानीय गणेश गुरुङको घरमा सोमवार बेलुका ४ बजे खाना पकाउने बेला ग्यास लिक भई आगलागी हुँदा भरतपुर–१८ बस्ने वर्ष ५२ को ओम प्रकाश गुरुङ र सोहि ठाउँ बस्ने ४६ वर्षीय मिनबहादुर मगर घाइते भएको जिल्ला प्रहरी कार्यालय चितवनले जानकारी दिएको छ ।

आगलागीबाट दुई जना मध्यम घाइते भएको र चितवन मेडिकल कलेजमा उपचार भइरहेको प्रहरीले बताएको छ । आगलागी भएर गुरुङको दुवै हात र मगरको अनुहार पोलेको छ ।

यस समाचारको श्रोत : www.narayanionline.com हो ।