नेपाल प्रिमियर लिगः विश्वकप विजेता सोहेल तनविर चितवन राइनोजमा

चितवन,मंसिर २३-

नेपाल प्रिमियर लिग सुरु हुन २ दिनदिन अघि चितवन राइनोजले पाकिस्तानका सोहेल तनविरलाई अनुबन्ध गरेको छ। पाकिस्तानका पूर्व विश्वकप विजेता समेत रहेका तनविरलाई अनुबन्ध गरेको चितवनले बिहीबार साँझ घोषणा गरेको हो।

कुशल मल्ल मार्की खेलाडी रहेको चितवनले बाँया हाते पेस बलरलाई अन्तिम समयमा अनुबन्ध गरेको हो। यसअघि दक्षिण अफ्रिकाका डे लाङलाई अनुबन्ध गरेको भए पनि उनी चोटका कारण खेल्न नसक्ने भएपछि सोहेललाई अनुबन्ध गरेको हो। सोहेलले राजस्थान रोयल्सबाट आईपीएल जितेका थिए भने पाकिस्तान सुपर लिग विजेता पनि हुन्। पाकिस्तानबाट सन् २००९ को टी २० विश्वकप जित्दा उनी टोलिका महत्वपुर्ण सदस्य थिए।

‘मैले यसलाई एक चूनौतिका रुपमा लिएको छु। नेपाल गएर हजारौं नेपाली क्रिकेट फ्यानहरुका सामु चितवन राइनोजको प्रतिनिधित्व गर्दा अत्यन्त गौरवशाली अनुभुति हुनेछ। मलाई लाग्छ नेपालमा पनि पाकिस्तानी क्रिकेट टिमका धेरै फ्यानहरू छन्’, सोहेलले भने। उनको अनुबन्धले टिममा नयाँ ऊर्जा थपेको र डे लाङको अभावलाई खड्किन नदिने चितवन राइनोजका अध्यक्ष आयुष न्यौपानेले बताए।

यस समाचारको श्रोत : www.narayanionline.com हो ।