विश्वका सात सय ह्याकरको प्रतिस्पर्धामा चितवनको फोर्ब्स कलेजका रञ्जन र विदिशाको उत्कृष्ट सफलता
चितवन, मंसिर १५-
विश्वका सात सय ह्याकरको प्रतिस्प्रर्धामा चितवनका फोर्ब्स कलेजका विद्यार्थीले उत्कृष्ट नतिजा ल्याउन सफल भएका छन् । प्रतिष्ठित कार्यक्रम विज क्लाउड सेक्यूरिटी च्याम्पियन सिपमा फोर्ब्स कलेज रञ्जन मरासीनि र विदिशा सुवेदीले उत्कृष्ट सफलता हात परेका हुन् । उनीहरुले क्रमशः विश्वकै २२ औँ र २९ औँ स्थान हासिल गर्न सफल भएका छन् । कार्यक्रममा ह्याकर तथा क्लाउड सेक्यूरिटीका इन्जिनियरहरुको सहागिता रहेको थियो ।
क्लाउड सुरक्षामा आधारित यो एक वर्षे बेशिक प्रतियोगिता एडब्लुएस, जिसिपि कुवेरनेटस् जस्ता प्लेटफर्ममा पहिचान हुने वास्तविक सुरक्षा कमजोरीका आधारमा हरेक महिना प्रतिस्प्रर्धात्मक कार्यक्रम हुने गर्दछ । अहिले प्रतियोगिताको छैटौँ महिना चलिरहेको छ ।
२४ वर्षीय रञ्जन मरासिनी नूब इन्जेक्टेड नामबाट प्रतिस्पर्धा गर्दै आएको कलेजले जानकारी दिएको छ । सुरुवातमा ७०औँ स्थानभन्दा तल रहे पनि अघिल्लो महिनामा सबैभन्दा कठिन मानिएको कुवेरनेटस् चुनौती सफलतापूर्वक समाधान गरेपछि उनी २२ औं स्थान प्राप्त गर्न सफल भएका हुन् ।
त्यस्तै, विदिशा सुवेदीले पनि उत्कृष्ट क्षमताको प्रदर्शन गर्दै २९औँ स्थान हासिल गरेकी छन् । हिमालै बराबर चुनौतीपूर्ण मानिने क्लाउड सुरक्षा क्षेत्रमै महिला प्रतिस्पर्धीले यस्तो उपलब्धि हासिल गर्नु नेपालका लागि गर्वको विषय बनेको छ ।
सो प्रतियोगितामा नेपालबाट थोरै विद्यार्थीले विशेष निमन्त्रणा र छनोट प्रक्रियामार्फत भाग लिन पाएका छन् । दुवै विद्यार्थीले फोब्र्स कलेज चितवनमा साइबर सिक्युरिटीमा अध्ययन गरिरहेका छन् । जहाँ उनीहरूले क्लाउड सुरक्षा, एथिकल ह्याकिङ, नेटवर्क डिफेन्सजस्ता विषयहरूमा अध्यापन हुँदै आएको छ ।
प्रतियोगिता उत्कृष्ट प्रदर्शनकर्तालाई इजरायल र अमेरिकामा मुख्यालय रहेको विज कम्पनीमा रोजगारीका अवसर, विश्वस्तरीय च्याम्पियनशिप बेल्ट तथा आकर्षक पुरस्कार प्रदान गर्नेछ । दुवैले आगामी चरणहरूमा अझ कडा प्रतिस्पर्धा गर्दै विश्वको शीर्ष १० भित्र पर्नेको लक्ष्य राखेको बताएका छन् ।