कतारमा कोरोना : आज थप १ जनाको मृत्यु संगै कुल मृत्युहुनेको संख्या २१५ पुग्यो
गएको २४ घण्टामा २०५ जनामा कोरोना भाइरसको संक्रमण देखिएको, १९७ जनालाई निको भएको र एक जना ६३ बर्षिय नागरिकको मृत्यु भएको स्वास्थ्य मन्त्रालयले जानकारी दिएको छ ।
आज भाइरस देखिएका मध्ये १९५ जना स्थानीय र १० जना अन्य मुलुक बाट आएकाहरु हुन् । यो संगै कतारमा भाइरस संक्रमण पुष्टि भएको कुल संख्या १,२६,१६४ पुगेको छ ।
स्वास्थ्य मन्त्रालयको रिपोर्ट अनुसार पछिल्लो २४ घण्टामा ५,०९६ जनालाई परिक्षण गरिएको थियो । कतारमा हालसम्म भाइरस बाट ज्यान गुमाउनेको संख्या २१५ पुगेको छ र निको हुनेको संख्या १,२३,१०८ पुगेको छ ।
सरकारले संक्रमित र मृत्यु हुने नागरिकको राष्ट्रियता भने खुलाएको छैन ।
गएको २४ घण्टा भित्रकाे तथ्यांक
अस्पताल भर्ना भएका – ३९ जना
अस्पतालमा उपचार भैरहेकाको कुल संख्या – ३९५ जना
आईसीयुमा भर्ना भएका – ४ जना
आईसीयुमा उपचार भैरहेकाको कुल संख्या – ५९ जना
आज सम्म जाँच भएको संख्या – ७,८६,२२४ जना
अझै निको हुन बाँकीको संख्या : २,८४१ जना
कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।