सिएफसी फुटबल : रसलाफान र सिएफसी निलो विजयी

कतारमा जारी तेश्रो सिएफसी फुटबल प्रतियोगिता अन्तर्गत शुक्रबार भएको खेलमा रसलाफान र सिएफसी निलो विजयी भएका छन् ।

पहिलो खेलमा रसलाफानले बत्तेल क्लबलाई २-० गोलले हराएको थियो । रसलाफानको जितका लागि दुबै गोल कमल चौधरीले गरेका थिए । चौधरी खेलको म्यान अफ द म्याच घोषित भए ।

त्यस्तै अर्को खेलमा आयोजक निलोले सिन्धुली क्लबलाई ३-० गोल अन्तरले हराएको छ । आयोजकको जितका लागि विश्व राज लिम्बू ,भुपाल र नवीन थिङले एक एक गोल गरेका थिए । उक्त खेलमा ड्यानियल लिम्बू उत्कृष्ट खेलाडी घोषित भए।

प्रतियोगिताका लागि इसेवा र अल फर्दन एक्सचेन्जले आयोजकलाई २० थान जर्सी सहयोग गरेको छ।

पहिलो चरणको बाँकि चार खेलहरु शुक्रबार बेलुका ४ बजे बाट सुरु हुनेछ।

पेट्रो एफसी विरुद्ध गोर्खाली एफसी
एबी एफसी र गल्फ एसिया क्लब
सुनसरी विरुद्ध बर्वा एफसी
नाइन स्टार विरुद्ध युनिपार्ट एफसी