कतारमा भाइरस संक्रमीत हुनेको संख्या ओरालो लाग्ने क्रमले आज पनि निरन्तरता पाएको छ । स्वास्थ्य मन्त्रालयले गएको २४ घण्टामा ६९३ जनामा कोरोना भाइरसको संक्रमण देखिएको र १,४६८ जनालाई निको भएको जानकारी दिएको छ । यो संगै कतारमा भाइरस संक्रमण पुष्टि भएको कुल संख्या ९५,१०६ पुगेको छ ।

भाइरसकै कारण आज ३ जनाको पनि ज्यान गएको छ । स्वास्थ्य मन्त्रालयको रिपोर्ट अनुसार  पछिल्लो २४ घण्टामा  ३,५०६ जनालाई परिक्षण गरिएको थियो ।

कतारमा हालसम्म भाइरस बाट ज्यान गुमाउनेको संख्या ११३ रहेको छ र निको हुनेको संख्या ८०,१७० पुगेको छ । सरकारले संक्रमित र मृत्यु हुने नागरिकको राष्ट्रियता आजसम्म खुलाएको छैन ।

गएको २४ घण्टा भित्रकाे तथ्यांक  

अस्पताल भर्ना भएका – ९३ जना

अस्पतालमा उपचार भैरहेका जम्मा – ९१४ जना

आईसीयुमा भर्ना भएका – ९ जना

आईसीयुमा उपचार भैरहेका जम्मा – २०३ जना

आज सम्म जाँच भएको संख्या – ३,५२,६५९ जना

निको हुन बाँकीको संख्या – १४,८२३ जना

कसैमा भाइरस सम्बन्धि लक्षण देखा परे तुरुन्त १६००० मा सम्पर्क गर्न मन्त्रालयले सबैमा आग्रह गरेको छ ।

भाइरस जाँच्न हुने मुख्य चार स्थानहरु :

१. मुऐथर हेल्थ सेन्टर

२. रव्दत अल खेल हेल्थ सेन्टर

३. उम स्लाल हेल्थ सेन्टर

४. अल घराफा हेल्थ सेन्टर