नेशनल डे मा १५५ जना पक्राउ

कतारको राष्ट्रिय दिवस मनाउने क्रममा अभद्र व्यवहार गर्ने विभिन्न राष्ट्रियताका १५५ जनालाई प्रहरीले पक्राउ गरेको छ।

आन्तरिक मन्त्रालयले हिजो एक सुचना प्रकाशित गर्दै पक्राउ पर्नेमा ९० जना नाबालिगहरू पनि रहेका बताएको छ । त्यस्तै नियम उल्लङ्घन गर्ने ६०० सवारी जफत पनि भएको छ ।

साबुन स्प्रे र रबर ब्यान्ड प्रयोग गरेर यात्रुलाई आक्रमण गर्ने, अभद्र व्यवहार गर्ने, कारको छतमा चढ्ने ट्राफिक नियम र सवारी साधनको नियम उल्लङ्घन गर्नुका साथै आफ्नो र अरुको जीवनलाई जोखिममा पार्ने,सवारी चलिरहेको बेलामा सवारी साधनको ढोका खोल्ने लगायतको क्रियाकलाप ति पक्राउ पर्ने व्यक्तिहरु बाट भएको मन्त्रालयले बताएको छ ।